Zgjedhjet vendore/ KQZ miraton rezultatin për 8 bashki

(Skenderbeu.info)-Zgjedhjet vendore/ KQZ miraton rezultatin për 8 bashki

Komisioni Qendror Zgjedhor ka miratuar të shtunën rezultatet e zgjedhjeve vendore të 14 majit në 8 bashki dhe Këshilla Bashkiakë.

Paraditën e kësaj të shtune u miratua rezultati final i Bashkisë Shkodër me kryebashkiak aktual tashmë Benet Becin.

Gjatë pasdites u miratuan rezultatet paraprake në Bashkinë Lushnjë, ku fituese u shpall Eriselda Sefa, në Kamëz, Rakip Suli, në Fier Armando Subashi, në Berat Ervin Demo, në Elbasan Gledian Llatja, në Vlorë Ermal Dredha dhe në Korçë Sotiraq Filo.

Janë miratuar dhe rezultatet në Këshillat përkatës Bashkiake çfarë bën që palët pjesëmarrëse tashmë të kenë të drejtë ankimimi.

Në KQZ kanë mbërritur të shtunën dy ankesa, një për Bashkinë e Kuçovës nga “Bashkë Fitojmë” dhe nga Lëvizja Legalitetit e cila ka ankimuar rezultatin në tre bashki, Kamëz, Tiranë dhe Dibër.