Një i ri i maskuar si grua e moshuar dhe me karrocë invalidësh është ngritur në këmbë papritmas dhe ka goditur pikturën më të famshme në botë më një ëmbëlsirë me krem.
Sipas dëshmitarëve, të cilët kishin mbetur të tronditur nga ngjarja, i riu u mundua të përhapte kremin e ëmbëlsirës mbi pikturë dhe punonjësve të sigurisë së Luvrit i është dashur rreth 15 sekonda për të reaguar dhe për të neutralizuar sulmuesin i cili në ato momente është dëgjuar të thërrasë “Mendoni për Planetin!”
36 vjecari, mesa duket aktivist i mbrojtjes së planetit, ishte maskuar si një grua e moshuar invalide në mënyrë që ta lejonin të kalonte kordonin e sigurisë të cilin nuk mund ta kalojnë vizitorët e tjerë dhe u shoqërua jashtë nga siguria e muzeut ku iu dorëzua policisë së Parisit të cilët e shoqëruan për të marrë ndihmë psikiatrike.
Fatmirësisht Mona Liza nuk u dëmtua falë një xhami mrojtës të instaluar që në vitin 1950 pas një sulmi me acid.
