(Skenderbeu.info) Statuja e re për Martin Luther King në Boston, ‘stuhi kritikash’ në internet.
Një statujë e re kushtuar dashurisë mes Martin Luther King dhe gruas së tij Coretta, e zbuluar në Boston, është pushtuar nga kritikat dhe fyerjet në internet, raporton Washington Post.
Vepra e bronzit, gati shtatë metra e lartë, u krijua nga skulptori Hank Willis Thomas, i cili u frymëzua nga një fotografi e të nderuarit duke përqafuar gruan e tij pasi mësoi se kishte fituar Çmimin Nobel për Paqen në vitin 1964.
“Kjo vepër dëshiron të reflektojë në aftësinë e secilit prej nesh për t’u mbështjellë në dashuri. Kështu ndihem sa herë që mendoj për Martin Luther King dhe Coretta Scott King”, tha artisti me rastin e inaugurimit që u bë më herët.
Me sa duket, ueb-i nuk e kuptoi punën sepse shpërtheu një stuhi në Twitter disa orë pasi u publikua fotografia.
“Meqenëse nuk jam i bardhë, jam i sigurt nga çdo akuzë për racizëm nëse them se statuja e përqafimit të Mlk është estetikisht jo tërheqëse,” shkroi në Twitter kolumnisti i Boston Herald, Rasheed N. Walters.
“Më thuaj emrin e një njeriu të bardhë që do të ishte i nderuar të kishte një statujë me vetëm dy gjymtyrë të tij,” tha humoristi Javann Jones në rrjetet sociale për faktin se skulptura përshkruan katër krahë të ndërthurur duke formuar një zemër.
