(Skenderbeu.info) SHBA akuzon shtatë shtetas kinezë lidhur me komplotin e dyshuar të Pekinit. SHBA akuzon shtatë shtetas kinezë lidhur me komplotin e dyshuar të Pekinit . Shtetet e Bashkuara kanë akuzuar shtatë shtetas kinezë që i akuzojnë për kryerjen e një fushate mbikqyrjeje dhe ngacmimi ndaj një banori të SHBA dhe familjes së tij si pjesë e një orvatjeje nga Pekini për të riatdhesuar me forcë njërin prej tyre në Kinë.
Padia me tetë akuza, e ngritur të enjten në një gjykatë të distriktit të SHBA-së në Bruklin, New York, është rasti i fundit nga departamenti i drejtësisë që synon fushatën globale të Kinës jashtë vendit, të njohur si “Operacioni Fox Hunt“.
“Siç pretendohet, të pandehurit u përfshinë në një veprim të njëanshëm dhe të pakoordinuar të zbatimit të ligjit në tokën e SHBA-së në emër të qeverisë së Republikës Popullore të Kinës, në një përpjekje për të shkaktuar riatdhesimin e detyruar të një banori të SHBA-së në Kinë,” tha Breon Peace, avokat i Shteteve të Bashkuara për Distriktin Lindor të New York-ut.
“Shtetet e Bashkuara do t’u kundërvihen me forcë shkeljeve të tilla mizore të sovranitetit kombëtar dhe do të ndjekin penalisht individët që veprojnë si agjentë të paligjshëm të shteteve të huaja.”
