(Skenderbeu.info) Rihanna do te publikoje kengen e re pas gjashtë vjetësh. Rihanna është duke nxjere një këngë të re këtë javë, këngën e saj të parë të re në gjashtë vjet.
Ajo konfirmoi se kënga e saj e re e titulluar Lift Me Up do të dalë të premten pasi u bë për vazhdimin e ardhshëm të Black Panther, Wakanda Forever.
Gjithashtu Rihanna postoi një video të shkurtër që tregonte emrin e saj të shkruar në alfabetin imagjinar Wakandan duke shfaqur nje melodi te embel.
Sipas Variety, melodia është ‘një tribut për jetën dhe trashëgiminë e të ndjerit Chadwick Boseman i njohur si ”Black Panther” dhe u shkrua nga Tems, Ludwig Göransson, Rihanna dhe regjisori i filmit Ryan Coogler.
Boseman vdiq tragjikisht në vitin 2020 në moshën 43 vjeçare pas një beteje të fshehtë katërvjeçare me kancerin e zorrës së trashë.
“Pasi fola me Ryan dhe dëgjova mendimin e tij për filmin dhe këngën, doja të shkruaja diçka që portretizon një përqafim të ngrohtë nga të gjithë njerëzit që kam humbur në jetën time,” tha Tems.
Ajo ka thene per revistën: ”U përpoqa të imagjinoja se si do të ndihesha po t’u këndoja tani dhe t’u shprehja sa shumë më mungon. Rihanna ka qenë një frymëzim për mua kështu që dëgjimi i saj për të përcjellë këtë këngë është një nder i madh.”
