(Skenderbeu.info) Mbyllen plazhet e njohura në Sidnei pas nje sulmi të peshkaqenëve ndaj një delfini.
Disa plazhe të njohura në Sidnei janë mbyllur pasi peshkaqenët sulmuan një delfin në ujërat afër qytetit.
Të paktën dy peshkaqenë dema u vunë re në zonën Shelly Beach, në veri të Sidneit, pas sulmit dhe autoritetet mbyllën të gjitha plazhet aty pranë si një masë paraprake.
Delfini i plagosur u sulmua ujërat e cekëta, dhe në fund u dorezua dhe ngordhi.
Manly Open Surf, një karnaval që po zhvillohet në plazh gjatë fundjavës, është pezulluar.
Rojet e shpëtimit pastruan njerëzit nga uji pas sulmit, i cili ndodhi rreth orës 07:00 me orën lokale të së shtunës.
Qindra njerëz ishin gati të konkurronin në festival.
Tracey Hare-Boyd, një zëdhënëse nga Surf Life Saving New South Wales (SLSNSW), tha se, për fat, asnjë person nuk ishte lënduar apo përfshirë në sulm.
SLSNSW tha se po monitoronte aktivitetin e peshkaqenëve përmes një droni dhe u kërkoi njerëzve të mos hynin në ujë derisa të konsiderohej i sigurt nga rojet e shpëtimit.
Një dëshmitare okulare që ishte në plazhin Shelly tha për ABC News se fillimisht ishte e kënaqur kur pa një delfin duke notuar në gji.
Por ajo shpejt mësoi se kishte një peshkaqen në ujë dhe notarëve iu tha të qëndronin në tokë të thatë.
“Ne u kthyem dhe pamë delfinin ishte në plazh, gjë që ishte vërtet tepër e trishtuar,” tha ajo.
Nuk ishte ende e qartë nëse delfini vdiq nga lëndimet e marra në sulm ose nëse ishte tashmë i sëmurë dhe po vdiste, gjë që do ta bënte atë një objektiv të lehtë për peshkaqenët, tha zonja Hare-Boyd e SLSNSW.
Plazhet nga Shelly Beach në Queenscliff Beach mbeten të mbyllura dhe njerëzve u është kërkuar të jenë vigjilentë dhe të ndjekin këshillat e sigurisë së peshkaqenëve.
Vdekjet njerëzore nga sulmet e peshkaqenëve janë të rralla në Sidnei, me vetëm dy në 60 vitet e fundit.
