(Skenderbeu.info)-Pjesëmarrja në zgjedhjet vendore/ Publikohen të dhënat e orës 16:00
Prej orës 7:00 të mëngjesit të sotëm vijon procesi i votimit në gjithë vendin për zgjedhjen e kryetarëve të bashkive.
Komisioni Qendror i Zgjedhjeve ka publikuar pjesëmarrjen e votuesve në të gjitha qendrat e votimit, deri në orën 16:00. Sipas KQZ-së, në total janë rreth 3.6 milionë zgjedhës në 5213 qendra votimi. Në faqen zyrtare të KQZ-së raportohet se deri në orën 16:00 kanë votuar 619.193 në 2679 qendra votimi nga 5213 qendra votimi në total. Të dhënat janë për gjysmat e qendrave të votimit në rang kombëtar. Duke mbledhur totalin e QV-ve, rezulton që pjesëmarrja të jetë rreth 32%. Procesi i votimit mbyllet zyrtarisht në orën 19.00.
