(Skenderbeu.info)-Milani shkatërron Sampdorian dhe ringjall shpresat për Championsin
Milani është rikthyer në rrugën e fitoreve në Seria A, duke marrë një sukses të thellë 5-1 ndaj Sampdorias. Skuadra e Piolit tashmë ngjitet në vendin e pestë me 64 pikë, 1 më pak se Lazio, por ekip bardhekaltër ka dhe një sfidë më shumë për të luajtur.
Sa i përket ndeshjes, Leao do të zhbllokonte shifrat në minutën e 9-të, por miqtë do të kundërpërgjigjeshin me veteranin Quagliarella në minutën e 20-të.
Giroud do të rikthente Milanin në avantazh në minutën e 23-të, ndërkohë që 6 minuta më pas do të shënonte golin e dytë personal nga pika e bardhë.Në pjesën e dytë, Brahim Diaz shënoi golin e katërt, ndërkohë që Giroud kompletoi mbrëmjen perfekte me tripletë, duke marrë dhe topin në shtëpi.
