(Skenderbeu.info)-Meta, akuza të forta/ “Bashkia e Tiranës ka prioritet pastrimin e parave”
Kreu i Partisë së Lirisë, Ilir Meta ka hedhur akuza duke deklaruar se, Bashkia e Tiranës ka prioritet pastrimin e parave, ndërsa opozita kërkon t’i japë zgjidhje çështjes së strehimit social.
Meta thekson në postimin e tij në rrjetet sociale se, Partia e Lirisë propozon rritje deri në 150 milionë euro të fondit kombëtar të strehimit social nga 7 milionë euro që është aktualisht dhe deri në 33 milionë euro për strehimin social për Tiranën nga 0.7 milionë euro që është aktualisht.
“Bashkia e Tiranës ka prioritet pastrimin e parave, ndërsa ne duam t’i japim zgjidhje çështjes së strehimit social.
Prandaj dje në tryezën e Politikave Sociale për Strehimin, Partia e Lirisë bëri publike propozimet e saj konkrete.
Partia e Lirisë propozon rritje deri në 150 milionë euro të fondit kombëtar të strehimit social nga 7 milionë euro që është aktualisht dhe deri në 33 milionë euro për strehimin social për Tiranën nga 0.7 milionë euro që është aktualisht.
Propozimet tona janë zgjidhje për strehimin për familjet e reja, për nënat kryefamiljare, për personat me aftësi të kufizuara, për shtresat në nevojë, për të moshuarit, të rinjtë dhe studentët.
Bashkë Fitojmë!”, shkruan Meta.
