(Skenderbeu.info)-Manastirliu: Mbi 6200 nëna përfituan nga politika e re e mbrojtjes sociale
Në ditën Ndërkombëtare të Gruas, Ministrja e Shëndetësisë, Ogerta Manastirliu, ka njoftuar se janë 6200 gra që përfitojnë nga programit i ri i mbështetjes me sigurimet shëndetësore dhe shoqërore.
“Jam shumë e kënaqur që në pak kohë informacioni ka vajtur te çdo grua dhe janë më shumë se 6200 gra përfituese në të gjithë Shqipërinë, nëna me tre e më shumë fëmijë, të cilat për 5 vitet e para të fëmijës së tretë, katërt dhe më shumë, përfitojnë nga shteti kontributin e sigurimeve shëndetësore dhe shoqërore dhe, ajo që është e rëndësishme, është që të gjitha bashkitë kanë kontribuar që informacioni të shkojë kudo. Në Bashkinë e Tiranës janë më shumë 700 nëna përfituese në këtë program”,- theksoi Manastirliu.
