Luçiano Boçi, entuziast/ Jep lajmin e mirë për Elbasanin

(Skenderbeu.info)-Luçiano Boçi, entuziast/ Jep lajmin e mirë për Elbasanin

Kandidati për kryetar bashkie i Elbasanit, Luçiano Boçi, ka dhënë një lajm të mirë për banorët e këtij qyteti.

Me anë të një statusi në rrjetet sociale, Boçi thotë se Favaro Sandro, administratori i 8 kompanive të specializuara në disa fusha ka shprehur gatishmërinë për blerë produktet bujqësore të Elbasanit.

Ai thotë se Sandro kështë i interesuar për vajin e ullirit, perimet dhe frutat.

“Lajm fantastik për Elbasanin!

Sot kisha kënaqësinë të pres në zyrën time z. Favaro Sandro – administrator i 8 kompanive të specializuara në disa fusha përfshirë prodhimet bujqësore, import export prodhimesh bujqësore, Property Holding srl në Romë dhe Real 2000 Limited në Londër.

Jam tejet entuziast për interesin dhe gadishmërinë e shprehur të z. Favaro për të blerë produktet bujqësore të Elbasanit përfshirë vajin e ullirit, perimet dhe frutat.

Ky padiskutim është një lajm i mirë për qindra fermerë të Elbasanit që janë në çdo kohë të pasigurt për të gjetur treg të sigurt për produktet e tyre. Jam optimist për gadishmërinë e z. Favaro për të investuar në njësi të reja përpunuese në Elbasan! Nisim me projekte të mëdha!”, shkruan Boçi.