(Skenderbeu.info)-Konsumi u ngadalësua/ Ulen të ardhurat nga TVSH, por rriten nga tatimi mbi fitimin
Rritja pozitive e të ardhurave në buxhet nxitur kryesisht nga rritja e çmimeve ka frenuar në muajin shkurt.
Ministria e Financave në statistikat e saj fiskale bën me dije se të ardhurat nga tatimet dhe doganat në muajin shkurt ishin 262 milionë lekë më pak se e njëjta periudhë vitin e kaluar ose një rënie me 6.7%.
Nga nënzërat e këtyre taksave, ajo që vihet re se ka marrë goditjen më të madhe është tatimi mbi vlerën e shtuar, një tregues i drejtpërdrejtë i konsumit. Te ky zë duket se ka ndikuar dhe inflacioni i lartë që gjatë shkurtit të 2023-it ishte në nivelin 7.1%, ndërsa një vit më parë qëndronte në 3.9%.
