Importi i barnave në Shqipëri shënon rekord, shkak plakja e popullsisë dhe shtimi i sëmundjeve

(Skenderbeu.info)-Importi i barnave në Shqipëri shënon rekord, shkak plakja e popullsisë dhe shtimi i sëmundjeve

Importi i barnave dhe produkteve farmaceutike vijon me ritme të larta në vendin tonë teksa për 4 mujorin e parë të vitit, 2248 tonë barna janë importuar sipas Institutit të Statistikave, duke shënuar një rritje me 23% krahasuar me të njëjtën periudhë të një viti më parë.

Farmacitë raportojnë se ende produktet farmaceutike që kurojnë sëmundjet postcovid janë më të kërkuarat.

Të ndalur 5 vitet e fundit, 4 mujori i parë i 2023 shënon dhe shifrat më të larta të barnave të importuara, krahasuar dhe me vitin 2021 ku për shkak të covid-19 kërkesa ishte e lartë.

Sipas farmacistëve grup moshat më të interesuara janë mbi 60 vjeç të cilat ende vuajnë pasojat postcovid, por dhe nënat e reja për virozat e fëmijëve.

Sipas farmacistes Nushi qytetarët kanë rritur interesin për më shumë produkte farmaceutike të tregjeve europiane, të cilat nëse futen në listën e barnave në Shqipëri mund të rrisin edhe më tej importet.