Hakerat iraniane nuk ndalen /Publikohen patentat e mbi 1 mijë shqiptarëve

(Skenderbeu.info)-Hakerat iraniane nuk ndalen /Publikohen patentat e mbi 1 mijë shqiptarëve

Shenjestra e rradhes e hakerave iraniane të njohur ndryshe si grupi ‘Homeland Justice’ ka qene sistemi i patentave shqiptare.

 Grupi iranian, publikoi të tjera të dhëna personale të shtetasve shqiptare, ku në të njëjtën platformë si më parë. Në Telegram, depozituan një listë të 1 mijë e 81 shqiptarëve, aty ku u shfaqen të dhënat e lejeve të drejtimit.

Ky është sulmi i radhës i ‘Homeland Justice’ ndaj shtetit shqiptar. Ndërsa edhe më parë ka patur sulme të këtij niveli, ku janë publikuar të dhëna sensitive.

Hakerat iraninë, fillimisht goditen faqet qeveritare. Ku ndër to ishte edhe aplikacioni E-Albania, i cili u krijua për t’i lehtësuar punën qytetarëve shqiptarë. Po ashtu dhe për t’u krijuar atyre mundësinë që cdo kërkesë lidhur me një dokument dhe jo vetëm, ta tërheqin online.

Gjithashtu edhe sistemi policor, TIMS, u hakerua nga ‘Homeland Justice’, duke krijuar kaos në pikat e kalimit kufirtar, në rrugë ajrore, detare dhe tokësore.

Hakerat iraniane nxorën të dhëna personale të kryeministrit Edi Rama, ish drejtorit të përgjithshëm të policisë së shtetit Gledis Nano. Drejtorit aktual Muhamet Rrumbullaku, kreut të SHISH Helidon Bendo, etj. Duke u publikuar atyre emaile personale, si dhe hyrje daljet nga Shqipëria vitet e fundit.

Sulmet e iranit ndaj Shqipërisë, vijnë për shkak të strehimit të opozitës iraniane, të njohur ndryshe si muxhahedinë, në kampin Ashraf, në Manzë. Për shkak të strehimit të tyre, Shqipëria është futur në listen e vendeve jo mike me Republikën Islamike të Iranit. Për këtë arsye, qeveria shqiptare dëboi nga vendi diplomatët e ambasadës iraniane në Tiranë, si dhe të gjithë stafin e saj.