(Skenderbeu.info)-Grida Duma njofton heqjen dorë nga mandati: Ja çfarë nuk i fal politikës së llumit!
Grida Duma ka sqaruar sot arsyet se pse la mandatin e saj të deputetes. Në një dalje për mediat nga Kryesia e Kuvendit, Duma që në nisje të fjalës së saj tha se kishte dorëzuar zyrtarisht mandatin.
Duke mos i fshehur emocionet, Duma tha se një gjë nuk ia fal politikës së llumit, se me deklaratat kundër saj është prekur djali i saj.
“Pak çaste më parë kam dorëzuar formalisht dhe zyrtarisht shkresën për lënien e mandatit të deputetes. Pas një reflektimi të gjatë, për të bërë të duhur për partinë time dhe votuesit që përfaqësoj, ky është vendimi i duhur. Mendoj se në politikë fatet individuale vlejnë të konsiderohen dhe rimendohen vetëm kur shkojnë në një kahje me fatet e njerëzve që përfaqësojmë. Kurrë e kundërta, megjithëse është bërë. Fati i njerëzve që përfaqësoj është misioni që zgjodha. Më e thjeshta do të ishte që të kisha qëndruar”, tha Duma.
