(Skenderbeu.info)-DEA, në Shqipëri për luftën kundër drogës
Agjencia e SHBA-së Kundër Narkotikëve ka njoftuar një linjë të re sinjalizimi për Shqipërinë.
DEA i bën thirrje kujtdo që ka dijeni në lidhje me trafikun e drogës ose pastrimin e parave nga droga të ndajë informacionin duke dhënë edhe numrat e kontaktit.
Në njoftimin nga ambasada amerikane thuhet se Shtetet e Bashkuara të Amerikës janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët.
“Agjencia e SHBA Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: [email protected]
Të gjitha të dhënat do të mbahen të fshehta. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët”, shkruhet në njoftim./
