(Skenderbeu.info) Borë në shkretëtirë në jugperëndim të Algjerisë.
Algjeria dëshmoi reshje të rralla bore të martën në një numër zonash të shkretëtirës në jugperëndim të vendit.
Imazhet e publikuara nga autoritetet e provincës Bechar në Facebook treguan “Beni Ounif në të bardhë” ndërsa dunat e rërës fituan një batanije dëbore.
Kjo ishte reshja e parë e madhe e borës në zonë që nga viti 2012. Banorët e lumtur vendas kanë ndarë fotot dhe videoklipet e tyre në mediat sociale.
Zyra shtetërore e Meteorologjisë lëshoi alarme të hënën në mëngjes për reshje bore në Bechar në zonat midis 800 dhe 1000 metra mbi nivelin e detit.
Bora pritet të vazhdojë të bjerë të enjten në mbrëmje në provincat e tjera të shkretëtirës, duke përfshirë Ghardaia, e cila ndodhet 700 km në jug të Algjerit.
Zonat veriore të Algjerisë kanë pasur reshje të dendura bore dhe shiu prej disa ditësh. Rrugët janë bllokuar, duke izoluar qytete dhe fshatra, si dhe ka pasur vonesa në aeroporte.
Kjo pason një periudhë me reshje shumë të pakta, të cilat kanë shtyrë Ministrinë e Çështjeve Fetare t’u bëjë thirrje qytetarëve që të falin lutjet e veçanta për shi.
Në të vërtetë, Algjeria është përballur me një thatësirë për të paktën tre vjet. Nivelet e ujit në rezervuarë kanë rënë në mënyrë dramatike dhe rezervat e ujërave nëntokësore janë prekur.
