(Skenderbeu.info)-Smell Spot: Si po lulëzojnë bizneset e punës së dorës
Nuk përbën më lajm që pandemia globale covid-19 i dha jetë shumë biznesve. Në një kohë kur të kërkohej që të qëndroje në shtëpi, cdonjëri prej nesh filloi të bëntë atë që dinte më mirë. Ky ishte rasti më i mirë për Kejsi Hysnellari që të zhvillonte iniciativën e saj.
Smell spot
“Që kur kam qenë e vogël i kam pasur shumë qef produktet handmade dhe mbaj mend që kur na jepnin detyra ose punë dorë në shkollë, të miat ishin të kuruara deri në detaj aq sa dyshonin se mund të ma kishin bërë prindërit. Më pas në udhëtimet e mia të para jashtë vendit, tërhiqesha jashtëzakonisht shumë nga punimet e përgatitura me dorë ose produkte handmade si qiri aromatike, produkte make up dhe skincare” shprehet për Skenderbeu.info Kesji, themeluesja e Smell Spot.
smell spot
Smell Spot është një dyqan online që në shikimin e parë duket si një embëltore nga ngjyrat dhe format e ngohta të produkteve. Ky takim virtual është porta e parë për tu njohur me produktin.
smell spot
“Gjithmonë kam dashur të bëja dicka të cilën të mos ta konisderoja punë. Duhet pasion, sy artistik, një shpirt kreativ dhe shumë shumë punë. Fillimisht në Smell Spot janë prezantuar vetëm qirinj aromatikë, me kalimin e kohës është pasuruar gama e produkteve me lip balm, vajra esencial, skrab. Tashmë puna është e ngritur. Fillimisht jam hasur edhe me skepticizëm për lëndën e parë të produkteve. Në këtë rast kam pasur në krah cilësinë e lëndës së parë. Me një produkt cilësor arrit gjithmonë të bësh një figurë të mirë. Gjithashtu një ndihmë mjaft e madhe për mua kanë qenë dhuratat. Një herë që një dhurat merret, provohet, shihet cilësia e produktit, e them me bindje që ke fitur një klient të ri”.
smell spot
“Jam e lumtur si për Smell Spot por edhe për biznese të tjera që po marrin vëmendjen e munguar. Ka qenë një periudhë që nuk vlersohej puna e dorës, kreativiteti ose sipërmarrja personale. Në udhëtimet e mia të para jashtë vendit i shihja me kureshtje dyqanet artizanale dhe dëshiroja shumë që edhe unë të kisha një të tillë, në mënyrë që talentin dhe pasionin të mos e mbaja të ndrydhur brenda vetes. Dëshira ime është që për një kohë jo shumë të gjatë të kem një dyqan fizik, ku brenda tij të gjendet laboratori në të cilin klientët ta shohin prodhimin. Edhe pse deri më tani instagrami më ka hapur shumë dyer duke më sjell klientë edhe duke me njohur me biznese në të cilat janë konsumatore të produkteve të mira si qendra estetike ose bare- restorante.”
smell spot
Kejsi është një rast i sukseshëm, jo vetëm në zhvillimin personal, por edhe në imazhin pozitiv për shumë të rinj të cilët kanë ende dilema për të zhvilluar pasionin e tyre. Në kohët e sotme, përpos të gjitha vështirësive, me shumë punë dhe vullnet mund tia dalësh mbanë jo vetëm në tregun vendas ose edhe në atë nderkombëtarë pasi postimi i produkteve në rrjetet sociale nuk njeh kufinj.
