Vetëm pjesa e parë, Benzema kompleton het-trikun e tij

(Skenderbeu.info)-Vetëm pjesa e parë, Benzema kompleton het-trikun e tij

Karim Benzema e ka kompletuar het-trikun e tij në ndeshjen që Real Madridi po e luan kundër Almerias në kuadër të javës së 32-të në La Liga.

Goli i parë për francezin erdhi në minutën e pestë, kur Vinicius Junior asistoi për rezultatin 1-0.

Golin e dytë, Benzema e shënoi në minutën e 17-të, tani me asistimin e Rodrygos.

Për ta realizuar het-trikun e tij, fituesi i Topit të Artë u ndihmua nga penalltia, për të shënuar për 3-0 në minutën e 42-të.

Me këto gola, Benzema ka shkuar në 17 sosh dhe tri asistime, një më pak se Robert Lewandowski.

Aktualisht, Real Madridi është duke fituar 3-1 ndaj Almerias.