(Skenderbeu.info)-E rëndë në Vlorë/ 32-vjeçari i jep fund jetës me fotoksinë
Një ngjarje e rëndë është regjistruar ditën e sotme në qytetin e Vlorës.
Blutë bëjnë me dije se një person është vetëhelmuar me fotoksinë, duke i dhënë kështu fund jetës.
Bëhet fjalë për 32-vjeçarin me iniciale F. L., i cili humbi jetën gjatë transportimit nga spitali i Vlorës drejt atij të Tiranës.
Nga informacionet paraprake, ende nuk dihet çfarë e ka shtyrë të riun drejt këtij vendimi ekstrem, por policia ka nisur hetimet.
“Sot, në spitalin e Vlorës ka shkuar për ndihmë mjekësore shtetasi F. L., 32 vjeç, pasi dyshohet se ka konsumuar fotoksinë, i cili si pasojë, gjatë transportimit për mjekim të specializuar në spitalin e Tiranës, ka ndërruar jetë.
Grupi hetimor po kryen veprimet e mëtejshme në lidhje me sqarimin e rrethanave të rastit”, thuhet në njoftimin e policisë.
